Казахстан Улсаас  Баян-Өлгий аймагт ирсэн оюутан гурван иргэнд ДОХ-ын халдвар тараасан байж болзошгүй хэргийг шалгаж байгаа гэх мэдээлэл бий. Энэ талаар Тус аймгийн Эрүүл мэндийн газрын дарга Н.Сакенаас тодрууллаа.

     Тэрбээр “Энэ нь хувь хүний болон албан байгууллагын нууц учраас ДОХ тараасан болон ДОХ илэрсэн эсэх талаар мэдээлэл өгөх боломжгүй байна. Манай аймагт ДОХ илрүүлэх эмнэлгийн тоног төхөөрөмж байхгүй. ДОХ болон бэлгийн замын халдварт өвчнийг Халдварт өвчин судлалын үндэсний төвөөс нэгдсэн шинжилгээ хийж, бүртгэдэг. Тэгээд шинжилгээний хариуг сум, орон нутгийн эрүүл мэндийн төв рүү мэдээлдэг. Гэвч манайд мэдээлэл ирсэн эсэх талаар хэлэх боломжгүй. Манай эрүүл мэндийн газар ДОХ илрүүлэх шинжилгээний аппарат захиалсан” гэсэн юм.

    ДОХ-ын халдвартайгаа мэдсээр байж бусдад санаатайгаар тараасан байж болзошгүй иргэнийг Эрүүгийн цагдаагийн алба хаагчид шалгаж байгаа аж.