Шатахууны литр тутмын үнийг өнөөдөр 10:00 цагт нэгдсэн байдлаар нэмсэн гэх мэдээлэл бий. Энэ талаар Зам, тээврийн хөгжлийн яамны мэргэжилтнээс тодрууллаа.

Тэрбээр “АИ-92 шатахууны литр тутмын үнийг 20 төгрөг, АИ-95 шатахууныг 50 төгрөгөөр нэмсэн нь үнэн. Сүүлчийн гурван долоо хоногт газрын тосны үнэ нэмэгдсэн. Зургаан сарын дундаж үнээр шатахууны үнийг тооцож гаргаж байгаа. Тиймээс өмнөх сарын шатахуун тээвэрлэлтийн үнэд өөрчлөлт орж, шатахууны үнэ нэмэгдсэн. Одоогоор улсын хэмжээнд 124635 тонн, Улаанбаатар хотод 66913 тонн буюу 23 хоногийн шатахууны нөөц байна. Өдөр бүр шатахуун татаж байгаа” гэв.