Улаанбаатар хотод амьдардаг солонгос иргэнийг таван монгол иргэн зодсон хэрэг гарсан талаар БНСУ-ын MBC телевиз мэдээлсэн. Тодруулбал, энэ сарын 6-нд тус иргэнийг ажлаа тараад явж байхад нь ямар ч шалтгаангүйгээр зоджээ. Тус хэргийг талаар Цагдаагийн ерөнхий газрын хэвлэл мэдээллийн төвийн дарга Б.Баатархүүгээс тодрууллаа.

    Тэрбээр “Тус хэргийг Баянзүрх дүүргийн цагдаагийн газар шалгаж байна. Зодуулсан гэх Солонгос иргэний гэмтлийн зэргийг тогтоохоор шүүх эмнэлэгт тогтоолыг хүргүүлсэн. Гэмтлийн зэргийг тогтоосны дараа зодооны учир шалтгааныг тодорхой болгоно” гэлээ.