Тээврийн цагдаагийн албаны жижүүрийн шуурхай удирдлагын төвд 669 дуудлага мэдээлэл ирсэн байна. Үүнээс зам тээврийн ослын шинжтэй 547 дуудлага мэдээлэл бүртгэгджээ. Тухайлбал, нийслэлд ослын улмаас таван хүн гэмтэж, нэг иргэний амь хохирчээ. Харин орон нутагт долоон хүний амь хохирч, мөн тооны хүн гэмтсэн байна. Мөн амралтын өдрүүдэд 3-14 насны долоон хүүхэд гэмтэж бэртсэн байна. Тиймээс цэг, эхчүүд та бүхэн хүүхдийг автомашинд тээвэрлэх үедээ зориулалтын суудалд суулгах, суудлын бүс хэрэглэж хэвшүүлэх шаардлагатай гэдгийг Тээврийн цагдаагийн албанаас анхаарууллаа.