"OI" энтертайментын жүжигчин Т.Нямдоржийн төрсөн өдөр өнөөдөр тохиож байна. Түүнийг бид "Тавилан", "Хөтөч", "Хүсэл", "Манан зүсэгч", "Ах, дүү гурав", "Насан туршдаа", "Галзуу дурла", "Солонго, Үүл", "No Rules", "Гурав дахь цохилт", "Номер 1" тэргүүтэй киноны дүрээр нь мэдэх билээ. Дурлалт залуу, цагдаа гээд ихэвчлэн эерэг зөөлөн дүртэй мөртлөө түүний бүтээсэн дүр адал явдлаар дүүрэн, асуудал бэрхшээл ч их тулгарна. Гэсэн ч юу ч болж байсан тэмцэж, давж гарч, ялан дийлж чаддагаараа үзэгчдэд онцгой сэтгэгдэл төрүүлдэг болов уу. Тэрбээр сурагч байхдаа аймгаасаа ганцаараа Харшийн сүлд модны наадамд оролцож байж. Тухайн үед Урлагийн гавьяат зүтгэлтэн Б.Отгонбат түүнд жүжгийн дүрд тоглох боломж өгч байснаар урамшин жүжигчин болох хүсэл мөрөөдөлтэй болсон гэдэг. Ингэж л мэргэжлээ сонгож, нэг ангийн уран бүтээлч найзуудтайгаа хүсэл мөрөөдлөө биелүүлэн бүтээлээ туурвиж яваа юм. Түүний хувьд мөн продакшныхаа кинонуудын продюсерээр ажилладаг юм.