“ТЕАТР-2024" нэг хүний жүжгийн уралдаанд "Тайгын хүрэн" бүтээлээр СТА Ц.Жаргалсайхан, "Хоосон авдар" бүтээлээр Т.Анхзул нар түрүүлжээ.

           УДЭТ залуу, дунд үеийн уран бүтээлчдийн авьяас ур чадварыг хөгжүүлэх, тэдний санал санаачилгыг дэмжих, бүтээлч байдлыг бий болгох, шалгарсан бүтээлүүдийг олон улсын уралдаан тэмцээнд оролцуулах зорилгоор УДЭТ-ын уран бүтээлчдийн дунд зохион байгуулжээ.

           Нэг хүний буюу моно жүжгийн төрлийг бий болгосон нь жүжигчнийг нээх зорилготой бий болгосон гэдэг. Тиймдээ ч жүжигчдээс маш их хөдөлмөр, судалгаа, уран чадварыг шаарддаг билээ. Энэ талаар Монголын судлаачид "Дэлхийтэй эн зэрэгцэж явъя гэвэл ганц хүний жүжигтэй хамгийн их ажиллах хэрэгтэй. Ганц хүний жүжиг дээр ажилласан найруулагч, зураач, жүжигчид бол хамгийн олон талт, хамгийн өргөн цар хүрээг өөртөө бий болгож гаргаж ирдэг. Өөрөөр хэлбэл, маш нарийн нягт ажиллагаа орно. Ур их нэхдэг төрөл. Жүжгийг тавихад ур гэж юм бий. Урыг хамгийн их бий болгож чадаж байгаа төрөл бол энэ моно жүжиг юм" гэсэн байдаг.

СТА Ц.Жаргалсайхан, Т.Анхзул нарт уран бүтээлийн амжилт хүсье.