Соёлын тэргүүний ажилтан, дуучин Д.Отгонжаргал өнөөдөр Монгол Улсын Гавьяат жүжигчин цол хүртлээ. Энэ үеэр түүний ээж Т.Жүгдэр сэтгэгдлээ хуваалцсан юм. Тэрбээр "Охин минь ард түмний өмнө хийсэн хөдөлмөрөө үнэлүүлж төрийн дээд шагнал хүртэж байгаад ээжийн хувьд баяртай байна. Охиныхоо анх надад зориулсан дууг нь сонсоод уйлж байлаа. Одоо ч сайхан. Охиныхоо дууг өдөрт хоёр, гурван удаа сонсоно. Сайхан шүү дээ, заримдаа сонсоод нулимс унагана.Охиныгоо урлагийнхаа ажлыг сайхан хүргээд, хийж байгаа ажилдаа зөв сайхан зүтгээрээ гэж захидаг" гэв.