“Соёл, урлагийн ажилтны өдөр”-ийг жил бүрийн есдүгээр сарын хоёр дахь долоо хоногт тэмдэглэн өнгөрүүлдэг билээ. Соёл, урлагийн ажилтны 32 дахь удаагийн өдрийг тэмдэглэн өнгөрүүлэх хүрээнд Дархан-Уул аймгийн Соёл, спорт, аялал жуулчлал, залуучуудын газрын харьяа соёл урлагийн байгууллагуудын ажилтан, албан хаагчид, чөлөөт уран бүтээлчид, Зураач урчуудын холбоо, Монголын сэтгүүлчдийн нэгдсэн эвлэлийн Дархан салбар зэрэг 14 баг тамирчдын дунд найм дахь жилдээ спортын бага наадмыг зохион байгуулж эхэллээ. Энэ жилийн тэмцээнийг өнгөрсөн жилийн цомын аварга Чөлөөт уран бүтээлчдийн баг хариуцаж, сагсан бөмбөг, гар бөмбөг, дартс, ширээний теннис, шатар гэсэн таван төрлөөр зохион байгуулж байна.