“Нэткапитал” санхүүгийн групп нийгмийн хариуцлагын хүрээнд хурд, хүч, тэсвэр тэвчээрийг хамгийн өндөр түвшинд шаарддаг триатлоны спортыг Монгол Улсад хөгжүүлэх, түгээн дэлгэрүүлэх үйлсэд хувь нэмрээ оруулахаар Монголын триатлоны холбоотой хамтран ажиллахаар боллоо.

   Энэхүү хамтын ажиллагааны хүрээнд бид 2025 оны есдүгээр сарын 5-6-ны өдрүүдэд зохион байгуулагдах Азийн дуатлоны цомын тэмцээнийг ивээн тэтгэж, Монголын тамирчдын амжилтыг дэмжихээр болсон нь онцлогтой.

   Мөн уг түншлэл нь НҮБ-ын тогтвортой хөгжлийн 17 зорилгын нэг болох бүх нийтийн эрүүл мэнд, сайн сайхан байдлыг дэмжих зорилгод нийцэж байгаагийн зэрэгцээ нийгмийн идэвхтэй, эрүүл амьдралын хэв маягийг төлөвшүүлэхэд чиглэж байна.