Дархан-Уул аймагт Жүдо бөхийн Үндэсний шигшээ багийн дасгалжуулагч, Монгол Улсын Гавъяат дасгалжуулагч Пүрэвдоржийн Нямлхагвын нэрэмжит жүдо бөхийн залуучуудын улсын аварга шалгаруулах тэмцээн эхэллээ. Монгол Улсын гавьяат дасгалжуулагч Пүрэвдоржийн Нямлхагвын нэрэмжит залуучуудын УАШТ гуравдугаар сарын 13-14-ний өдрүүдэд Дархан хотын “Darkhan united arena”-д явагдаж өндөрлөнө.

       Энэ удаагийн эрэгтэйчүүдийн 37 дахь, эмэгтэйчүүдийн 27 дахь, холимог багийн 10 дахь удаагийн залуучуудын УАШТ-д 2005 оны нэгдүгээр сарын 1-нээс 2007 оны арванхоёрдугаар сарын 31-ний хооронд төрсөн охид, хөвгүүд барилдаж байна.   Эрэгтэйчүүдийн 60, 66, 73, 81, 90, -100, +100 кг, эмэгтэйчүүдийн 48, 52, 57, 63, 70, -78, +78 кг-ын жингийн ангилал, холимог багийн барилдаан эрэгтэйчүүдийн 73, -90, +90 кг, эмэгтэйчүүдийн 57, -70, +70 кг-ын жингийн ангиллаар явагдах юм.