• Өнөөдөр 2021-03-05

УОК: Хөл хорио сулруулах түр журмыг танилцуулж байна

УОК-оос хөл сулруулах журмын талаар мэдээлэл хийж байна.

Бэлэн байдлын зэрэглэлийг бууруулж, энэ сарын 23-наас аж ахуйн нэгжүүдийг 95 хувь нь хэвийн горимоор ажиллана. Үүнтэй холбоотой аж ахуйн нэгжүүдэд халдвар хамгааллын дэглэмийг баримтлах тусгай шаардлага бүхий түр журмыг боловсруулаад байна. Энэ талаар Засгийн газрын хэвлэл мэдээлэл олон нийттэй харилцах албаны дарга Ц.Ганзориг мэдээлэл өглөө. Тэрбээр “Халдвар хамгааллын дүрэмд тодорхой хэдэн заалт бий. Нэгдүгээрт, хүн хоорондын зайг хоёр метрт барих, маскаа тогтмол зүүх, хоёр цаг тутамд агаар сэлгэлт хийх, гар ариутгагч, бүхээг байршуулах юм.

Томоохон худалдааны төвүүд үйл ажиллагаагаа явуулахдаа үүдэндээ халдваргүйжүүлэх автомат тоног төхөөрөмж, халуун хэмжигч, QR код байршуулах, жимс, жимсгэнэ, хүнсний бүтээгдэхүүнийг эл задгай тавихгүй байх ёстой. Харин хоол үйлдвэрлэл болон бусад үйлчилгээний байгууллагууд хоёр метрийн зайд ширээгээ байршуулах, ширээ тус бүрт шилэн хаалт байрлуулах, хэрэглэсэн аяга тавгийг гурван шат дамжилгаар угаах, бэлэн мөнгөөр үйлчлүүлэхээс татгалзах хэрэгтэй. Мөн диско баарнаас бусад төрлийн биллиард, караоке зэргийн үйл ажиллагааг нээж байгаа. Энд халдвар хамгааллын дэглэм барихдаа үйлчилгээний газар 50 доош хувийн дүүргэлттэй үйл ажиллагаа явуулна" гэсэн юм. Аж ахуйн нэгж, иргэд халдвар хамгааллын дэглэмийг хэрхэн мөрдөх талаар зурган мэдээллээс хүлээн авна уу.

 

 

 


УОК: Хөл хорио сулруулах түр журмыг танилцуулж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414