УИХ-ын гишүүн Э.Болормаа Сонгуулийн хууль зөрчсөн үндэслэлээр яллагдагчаар татсан гэх мэдээлэл гарсан. Тэгвэл түүнийг МАН-ын Их хуралд ирэх үеэр нь уг мэдээлэлтэй холбоотой байр суурийг сэтгүүлчид тодрууллаа. Тэрбээр “Энэ бол худал мэдээлэл. Намын их хурлаар улс төржиж байгаа юм байлгүй дээ. Намайг хуулийн байгууллагаас дуудсан зүйл байхгүй. Миний гарын үсгийг хуурамчаар зурдаггүй л юм бол ямар ч тийм зүйл байхгүй” гэв.