УИХ-ын дарга Д.Амарбаясгалангийн өмгөөлөгч Ү.Амарбат мэдээлэл өглөө.

     Тэрбээр "2018 оны есдүгээр сарын 9-ний өдрийн гэх мессеж задаллаа. Өмнө нь Б.Энхбаяр сайд өөрөө хэлэхдээ "Адменирал"-ын гэрээ байгуул гэдэг шахалт үзүүлсэн мессеж гэж хэлсэн. Өнөөдөр болохоор "Адменирал"-ын гэрээ байгуулагдсан 2021 оноос гурван жилийн өмнө хэнийг нь мэдэхгүй хүн рүү бичсэн чат ярьж байна. Үүндээ тодорхой зарим улс төрчдийн нэр хэлж байна. Энэ хэрэг хянан шийдвэрлэх ажиллагаанд ямар ач холбогдолтой вэ. Хоёрдугаарт, үнэн үү. Үнэн байлаа гэхэд, энэ нь Д.Амарбаясгалан гэх хүнийг юунд чиглүүлээд байгаа юм бэ гэдэг нь ойлгомжгүй байна. Ер нь ямар нэгэн холбоотой, холбоогүй баримтуудыг байнга өгүүлж байж л намын их хурлаасаа өмнө энэ хүнийг ямар нэгэн байдлаар нүүрсчин гэдэг агуулга руу оруулах зорилгын хүрээнд явж ирсэн. Түүний л нэг анги, нэг хэсэг нь явж байна. Магадгүй хэвлэлд дэлгэсэн мессеж, чатаа хуулийн байгууллагад өгөөсэй билээ. Яагаад гэвэл хэрэг хянан шийдвэрлэх ажиллагааны явцад Б.Энхбаярын өгсөн нотлох баримтаар гэсэн үндэслэл огт байхгүй. Үүнийг бид хууль зүйн хүрээнд няцаах ажиллагаа хийнэ. Хоёрдугаарт, болоод өнгөрсөн үйл явдал, баримтын логикоо Б.Энхбаяр сайд өөрөө бүр таг ойлгоогүй байгаа юм байна гэдэг дүгнэлт хийлээ. Тухайлбал, Орчны бохирдлыг бууруулах хорооны хуралтай хороотой гэрээ хийсэн тухай ярьсан. Тэр яриад байгаа юм нь 2022 оны долдугаар сарын 8-ны өдөр тухайн "Эрдэнэс Тавантолгой" ХХК-ийн захирал нь нэгэн компанитай түлш солилцох арилжааны гэрээ байгуулсан тухай. Тэгэхээр бид энэ мэт баримтуудаа хуулийн байгууллагад өгөөд явна. Мөн Б.Энхбаяр сайд өөрөө өөрийгөө няцаадаг. Та бүхэн санаж байгаа бол хоёр сарын өмнө ганцхан ярьдаг байсан зүйл нь хүний үхэл байсан. Одоо Хууль зүйн сайд болоод үүнийгээ батлах ёстой. Гэтэл тэр бүхнээ таг орхисон. Дараа нь 100 тэрбум төгрөгийн авлигал авчихсан, нотолно гээд байсан. Одоо тэрийгээ ярихгүй байгаа. Энэ мэтчилэн юмнуудаа няцаагаад явдаг" гэв.