УИХ-ын ээлжит чуулган өнөөдөр боллоо. 

      Энэ үеэр УИХ-ын гишүүн С.Бум-Очир “Төрийн өмчит, орон нутгийн өмчит компаниудыг яах вэ гэдгийг бид их ярьж байгаа. Гол нь эдгээр компаниуд ашиггүй ажиллаж байгаа. Энэ асуудлыг цэгцэлхээр хуулийн төсөл өргөн барьсан гэж ойлгосон. Энэ хуулийн төслийн судалгаанаас харахад эдгээр компани засаглал нь тодорхойгүй. Эрх зүйн зарчим, ногдол ашиг хувиарлах зарчим тодорхойгүй гэхчлэн олон янзын асуудал байна. Тэгээд улсын төсөв 30 орчим их наяд гэж ярьж байгаа бол энд 17 орчим их наяд буюу улсын төсөвтэй тэнцэхүйц хэмжээний мөнгийг бид нарийн мэдээлэлгүй байлгаад байна. Энэ зарцуулалтыг тодорхой болгомоор байна” гэв.