УИХ-ын чуулганы төсөв хэлэлцэх үеэр Төсвийн байнгын хорооны дарга Х.Ганхуяг ундааны улаан, ногоон лааз өргөж санал хурааж буй талаарх бичлэг, зураг цахим орчинд гарсан.

         Энэ талаар чуулганы үеэр УИХ-ын гишүүн П.Сайнзориг "Та лааз барьж санал хурааж байгаа дээрээ олон нийтээс уучлалт гуйчих хэрэгтэй" гэхэд, Х.Ганхуяг гишүүн "Тэгж улс төржүүлээд яах вэ. Би өнөөдөр албаар улаан зангиа зүүсэн. Улаан зангиа зүүхээр гишүүд улаан дээрээ дарах уу, ногоон дээрээ дарах уу өөрсдөө шийдвэрээ гаргана биз. Битгий хачин сонин зохиол яриад бай" гэв.