УИХ-ын гишүүн Л.Оюун-Эрдэнэ сэтгүүлчдэд мэдээлэл өглөө. Тэрбээр "Оюутолгой"-той холбоотой 20 сая доллар хөлбөмбөгийн багийн хувцас, гэрээ гээд баахан зүйл явах шиг боллоо. Намын дотоод сунгаа ийм түвшинд хүрсэнд миний хувьд харамсаж байна. Иргэдээсээ уучлалт гуйж байна. Бид баримттай нотолгоотой зүйлээр хүнийг ялладаг байхгүй бол огт худлаа асуудлаар гүтгэж болохгүй. "Оюутолгой" ХХК-тай холбоотой гэрээ дотор "Монгол хаан" жүжигтэй холбоотой Монголыг сурталчлах үйл ажиллагаа гэж үзсэн тухай тайланд хавсаргасан 126 хуудас тайлангийн нэг хуудсыг аваад хөндөгдсөн асуудал. Тийм зүйл огт хийгдээгүй. Энэ бол цэвэр гүтгэлэг.  "Монгол хаан" жүжиг рүү нэг доллар орсон байгаа нь тогтоогдвол би хариуцлага хүлээхэд 100 хувь бэлэн байна. Хүүгийн маань асуудалтай  холбоотой асуудлыг АТГ-аас шалгаж, нотлогдсон. Яг ийм асуудлаар албан тушаалтанд хариуцлага тооцно гэвэл Монголд их л олон хүний хойноос бид явах байх. АТГ-аас манай хүү цүнх авч өгөөгүй нь тогтоогдсон" гэв.