Аймаг, нийслэл, сум, дүүргийн ИТХ-ын сонгууль аравдугаар сарын 15-нд болно. Сонгуулийн тухай хуулийн нэмэлт, өөрчлөлтөөр орон нутгийн сонгуулийг тусдаа хуулиар зохицуулахаар хуульчилсан. 

ИТХ-ын ээлжит сонгуульд улсын хэмжээнд 8169 суудлын төлөө 17161 хүн өрсөлдөхөөр бүртгүүлжээ. Тодруубал, аймаг, нийслэлийн 816 мандатын төлөө 1901 хүн өрсөлдөхөөр бүртгүүлсэн бол сумын ИТХ-ын 7062 мандатын төлөө найман намын 14388 нэр дэвшигч өрсөлдөх аж. Харин дүүргийн ИТХ-ын 291 суудлын төлөө зургаан нам эвслээс 693 нэр дэвшигч өрсөлдөх хүсэлтэй хүргүүлсэн байна. 

Сонгуулийн сурталчилгаа нэр дэвшигчдэд сонгуулийн хороодоос үнэмлэх гардуулснаар эхлэх бөгөөд энэ сарын 30-наас аравдугаар сарын 14 хүртэл үргэлжилнэ.