Бүгд Найрамдах Кенид Улсад эбола вирусийн халдвар тархаж, нэг хүн амиа алджээ. Тодруулбал, Кени Улсад Бүгд Найрамдах Ардчилсан Конго Улсаас Угандагаар дамжин ирсэн иргэнээс эбола вирус илэрч, хэвтэн эмчлүүлж байсан ч нас барсан байна. Үүнтэй холбогдуулан талийгаачтай ойрын хавьталд орсон хүмүүсээс 10 хүнийг тусгаарлаж, дахин 57 хүнийг эрэн хайж байгаа аж.

          “Africa CDC” байгууллагын тэргүүн Жан Касеягийн мэдэгдсэнээр эбола вирусийн улмаас нас барсан талийгаач бүтэн сарын турш өвдөж, өвчний шинж тэмдгүүд илэрч байсан ч хоёр улсын аль ч шалган нэвтрүүлэх цаг илрүүлж чадаагүй байна. Хэдий талийгаач шалган нэвтрүүлэх цэгээр орохдоо шинж тэмдгээ дарж, халуунаа буулгахын тулд эм уусан байж болзошгүй гэж дүгнэж байгаа ч хоёр улсын хил дээр ажиллаж байгаа мэргэжилтэн, албан тушаалтнууд хариуцлагагүй хандсанаас болж Кенид эбола вирус тархсан гэж мэдэгдэв.

Ташрамд дурдахад, Бүгд Найрамдах Ардчилсан Конго Улсад 2026 он гарснаас хойш нийт 4000 гаруй хүн эбола вирусийн улмаас амиа алдаад байгаа юм.