• Өнөөдөр 2024-05-07

В.Путин НАТО-гийн оронд айлчилна

2024-01-31,   414

ОХУ-ын Ерөнхийлөгч Владимир Путин Украин руу цэргийн хүчээ оруулснаас хойш анх удаагаа НАТО-гийн оронд айлчлах гэж байгаа талаар олон улсын хэвлэлүүд мэдээлж байна. Тодруулбал, Ерөнхий В.Путин ирэх хоёрдугаар сард Туркт айлчлах гэж байгаа талаар түүний Гадаад харилцааны зөвлөх Ю.Ушаков мэдээлсэн бөгөөд айлчлалын тов хараахан зарлагдаагүй байгаа аж.

               Бүгд Найрамдах Турк Улс 1952 онд НАТО-д элссэн бөгөөд НАТО-гийн ууган гишүүдийн нэг. Түүнчлэн энэ сарын эхээр Турк Улсын Ерөнхийлөгч Р.Т.Эрдоган Украины Ерөнхийлөгч Володимир Зеленскийтэй утсаар “Бүс нутгийн энх тайван, тогтвортой байдал, хөгжил цэцэглэлтийн талаар ярьсан” гэх мэдээлэл бий. Харин өдгөө 71 настай Ерөнхийлөгч Владимир Путин сүүлийн дөрвөн жилийн хугацаанд нэг ч НАТО-гийн гишүүн оронд айлчлаагүй байсан бөгөөд ОХУ, Украины дайны үед Украины томоохон дэмжигч гэгдэж буй НАТО-гийн гишүүн оронд айлчлах болсныг бодлогын айлчлал байж болзошгүй талаар олон улсын тоймч, шинжээчид мэдэгдээд байна.

 

 


В.Путин НАТО-гийн оронд айлчилна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.