Данийн хатан хаан II Маргрет хаан ширээнд суусан 52 жилийнхээ ойгоор суудлаасаа бууж, угсаа залгамжлах ханхүү Х Фредерикт титмээ шилжүүлэхээ мэдэгдээд байсан. Тэгвэл өнөөдөр Кристиансборг шилтгээнд угсаа залгамжлах ханхүү Х Фредерикийг Данийн хаанаар өргөмжилжээ. Данийн шинэ хааныг өргөмжлөх ёслолыг үзэхээр Кристиансборг шилтгээний гадна хэдэн арван мянган хүн цугласан бөгөөд Данийн Ерөнхий сайд болон бусад албаны төлөөлөгч ёслолд оролцсон байна.

Ташрамд дурдахад, хаан ширээнд суусан 52 жилийнхээ ойгоор титмээ шилжүүлсэн II Маргрет сүүлийн 800 жилд хаан ширээнээс сайн дураар буусан анхны Данийн хаан болж байгаа бөгөөд Х Фредерик хаан түүний талаар “Ээж минь Данийн түүхэнд онцгой нэгэн, онцгой удирдагч байснаараа дурсагдах болно” хэмээжээ.