Дорнод аймгийн зургадугаар багт байрлах В1 давхарт энэ сарын 3-ны өдөр гал гарч, 35 настай эмэгтэй хоёр нялх хүүхдийн хамт түлэгдэж, нас барсан харамсалтай хэрэг гарсан. Талийгаач эмэгтэйн таван хүүхдэд орон нутгийн удирдлагууд болон хандив тусламжаар хоёр өрөө орон сууц олгосон. Үүнтэй холбоотойгоор талийгаачийн том охин Норовбанзадтай холбогдож, зарим зүйлийг тодрууллаа.
-Танай гэр бүлийнхэнд эмгэнэл илэрхийлье. Дүү нарынх нь биеийн байдал ямар байна вэ?
-Ээж, дүү нарын минь ажил явдал өнөөдөр дуусна. Дөрвөн дүүгийн минь биеийн байдал дажгүй сайн байгаа. Нэг дүүгийн минь гар боолттой байгаа.
-Гал юунаас болж гарсан юм бэ. Тухайн үед чи хичээлдээ явчихсан байсан юм уу?
-Цахилгааны утаснаас болж гал гараад паар задарсан гэдэг удирчилсан мэдээлэлтэй байгаа. Тухайн үед би гэртээ байгаагүй болохоор зарим зүйлийг нарийн сайн мэдэхгүй байгаа. Тухайн өдөр намайг хичээлээсээ тараад иртэл гэрийн гадаа онцгой байдлын албаны машин ирчихсэн, гэрээс ээж, дүү нарыг минь аваад гарч байсан. Ээж минь дүү нарыг аврах гэж байгаад өөрөө түлэгдэж нас барсан юм шиг байна лээ. Цахилгааны утас шатсанаас болж хайртай ээжийгээ хоёр нялх дүүтэйгээ алдсандаа итгэж чадахгүй байна. Бидэнд маш хүнд хэцүү байна.
-Тухайн байранд танайх хэдэн жил амьдарч байсан юм бэ?
-Манайх тэр байрны В1 давхарт хоёр жил амьдарч байсан юм. Эцэст нь сайхан ээжийгээ дүү нартайгаа алдчихаад сууж байгаадаа маш их харамсаж байна. Боломжтой бол В1 давхарт битгий амьдраарай гэж хүмүүст хэлмээр санагдаж байна. Амьдралын боломжгүйгээс болоод залуухан сайхан ээжийгээ алдчихаад сууж байгаадаа харамсаад байна.
-Та хэдийг аюулгүй орчинд амьдруулахаар орон нутгийнх нь удирдлагууд олон ард олны тусламж дэмжлэгээр хоёр өрөө орон сууцны түлхүүрийг өчигдөр гардуулж өгсөн. Тусалж, дэмжсэн хүмүүст хандаж баярласан сэтгэгдлээ хуваалцаж болох уу?
-Харин тийм ээ биднийг ойлгож, тусалж дэмжсэн бүх хүнд чин сэтгэлээсээ баярлаж байгаа. Тэдний ачаар дүү нараа эрүүл аюулгүй орчинд амьдруулах боломж бүрдсэн. Бид одоохондоо байрандаа ороогүй байгаа. Тийм сайхан гэр оронтой болгож өгсөн хүн бүхэнд дахин дахин баярлалаа гэж хэлмээр байна. Бид ээж, дүү нарынхаа ажил явдлыг дуусгачихаад дүү нартайгаа шинэ байрандаа орохоор төлөвлөж байгаа. Бас зарим хүмүүст байрыг тохижуулж өгөх тал дээр анхаарч тусалж байгаа. Тэдэнд мөн баярлаж сууна.
| ДОРНОД АЙМАГТ ХОЁР ХҮҮХЭДТЭЙГЭЭ ТҮЛЭГДЭЖ, АМИА АЛДСАН ТАЛИЙГААЧИЙН ОХИН НОРОВБАНЗАД: ЦАХИЛГААНЫ УТАС ШАТСАНААС БОЛЖ, ХАЙРТАЙ ЭЭЖИЙГЭЭ ХОЁР НЯЛХ ДҮҮТЭЙГЭЭ АЛДСАНДАА ИТГЭЖ ЧАДАХГҮЙ БАЙНА |
|
Б.Жавхлан шатар сонирхогчдын дэлхийн аварга боллоо
2026-11-14 12:43:30
Радио спортын Азийн аваргаас 6 мөнгө, 3 хүрэл медаль хүртжээ
2026-11-14 12:24:25
Э.Цэндбаатар мэргэжлийн боксын 16 дахь ялалтаа авлаа
2026-11-14 11:59:03
Элчин сайд Д.Батбаатар “Судрын чуулган”-ы гар бичмэлтэй танилцжээ
2026-11-14 10:20:11
Д.Одханд, Ц.Мөнхгэрэл жүдо бөхийн “B” зэрэглэлийн олон улсын шүүгч болжээ
2026-11-14 09:50:43
Б. Пагва Чехийн “Zelezo” жүдо клубийн урилгаар сургалт явуулжээ
2026-11-14 09:45:20
Туул гол, Нисэх, Сонсголон орчимд хуримтлагдсан хог хаягдлыг цэвэрлэв
2026-11-14 09:36:34
“Авлига, ашиг сонирхлын зөрчил, түүнээс урьдчилан сэргийлэх арга зам” сургалт боллоо
2026-11-14 09:31:20
Монголын жюү жицүчид дэлхийн аваргаас 5 алт, 3 мөнгөн медаль хүртлээ
2026-11-14 09:19:01
Жүдо бөхийн залуучуупын дэлхийн аваргад өрсөлдөх жүдочид тодорлоо
2026-11-14 07:10:00
| Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
| 7509-1188 |