Өнгөрсөн амралтын өдрөөр буюу нэгдүгээр сарын 23-ны 16:15 цагийн орчимд Хөвсгөл аймгийн Алаг-Эрдэнэ сумын нутаг дахь Хужиртын даваа гэх газар шороон замд "Toyota prius" маркийн автомашин онхолдож, машинд зорчиж байсан хоёр хүний амь эрсэджээ.

Тодруулбал, Хөвсгөл аймгийн Далайн-Элбэрэлт эрүүл мэндийн төвийн эмч  30 настай, эрэгтэй А, 30 настай, эмэгтэй Ц нар амиа алдсан харамсалтай хэрэг гарсан байна. Эх сурвалж "Тухайн үед автомашинд таван зорчигч байсан бөгөөд гурван хүн нь хүнд гэмтсэн. Бүгд эмнэлгийн байгууллагын ажилчид байсан" гэх мэдээллийг өгөөд байна. Уг ослыг Хөвсгөл аймгийн Цагдаагийн газар шалгаж байгаа бөгөөд "Осол юунаас болж гарсан эсэхийг хараахан тогтоогоогүй байна" хэмээн мэдээлсэн. Энэ талаар бид эргэн мэдээлэх болно.