ЗАСГИЙН ГАЗАР: 50.7 сая ам.долларын хөнгөлөлттэй зээл авахаар төлөвлөж байна

Б. Бадралмаа:
Улс төр- Засгийн газар

2021-01-20, 669

Засгийн газрын ээлжит хуралдаан 2021 оны нэгдүгээр сарын 20-нд боллоо. Хуралдаанаар “Ковид-19” цар тахлаас урьдчилан сэргийлэхтэй холбоотой нэмэлт Санхүүжилтийн хэлэлцээрийн төслийг хэлэлцэж, дэмжжээ.

Төслийг УИХ-ын холбогдох Байнгын хороодтой зөвшилцөж, дэмжсэн тохиолдолд хэлэлцээрт гарын үсэг зурах эрх олгох тухай Ерөнхий сайд захирамж гарах юм. Дэлхийн банкны санхүүжилтээр хэрэгжиж байгаа “Монгол Улсад Ковид-19-өөс урьдчилан сэргийлэх, хариу арга хэмжээ авах, бэлэн байдлыг хангах төсөл”-ийн хүрээнд 50.7 сая ам.долларын хөнгөлөлттэй зээл авахаар төлөвлөж байна. Дээрх хөрөнгийг хүн амын 60 хүртэл хувийг дархлаажуулахад хүрэлцэх вакцин авах, тээвэрлэх, хадгалах, аюулгүй байдлыг хангах, орон даяар түгээх, хянах зэрэгт зарцуулна.

Мөн тарилга хийх, гарч болох хүндрэлээс сэргийлэх, дархлаажуулалтын хамралтын түвшинг үнэлэх зорилгоор 8000 орчим эмч, мэргэжилтэнг сургаж бэлтгэх юм. Хүн амын 60 хувийг дархлаажуулахад хоёр сая орчим хүн тун вакцин шаардлагатай гэсэн урьдчилсан тооцоо гарчээ. Эрүүл мэндийн байгууллагын 12 мянга орчим ажилтан дархлаажуулах ажилд оролцох төлөвтэй байна.

ЗАСГИЙН ГАЗАР: 50.7 сая ам.долларын хөнгөлөлттэй зээл авахаар төлөвлөж байна

Шинэ мэдээ

Нийтлэлчид