Энэ өдөр самбо бөхийн Ази тивийн аварга, ОУХМ Нэхийтбаатарын Баярмаа Говь-Алтай аймгийн Баян Уул суманд мэндэлжээ. Тэрбээр хилийн цэргийн 0208 дугаар тусгай салбар, “Хилчин” спорт хороо, “Хурд” бөхийн дэвжээний тамирчин юм. ОУХМ Н.Баярмаа 2020, 2024 оны самбо бөхийн насанд хүрэгчдийн улсын аварга шалгаруулах тэмцээний алтан медальтай. 2022, 2023 оны самбо бөхийн УАШТ-ээс мөнгө, хүрэл медаль хүртэж байсан. 2021 онд самбо бөхийн насанд хүрэгчдийн дэлхийн аварга шалгаруулах тэмцээнээс мөнгөн медаль. 2022, 2023 оны жүдо бөхийн насанд хүрэгчдийн УАШТ-ий 52 кг-ын жинд хүрэл медаль авсан. 2023 онд Казахстан Улсын Астана хотод болсон самбо бөхийн насанд хүрэгчдийн Ази тивийн аварга шалгаруулах тэмцээний 54 кг-ын жинд алтан медаль хүртэж Азийн аварга болсон юм.