Эрчим хүчний салбарт шинэ технологи нэвтрүүлэгч “BIB Discovery Energy” компанийн ерөнхий захирал С.Болорбайгаль барилгын материалд суурилсан нарны цахилгаан үүсгүүрийг Монголын зах зээлд нутагшуулж, архитектурын цогц шийдэл болгож байгаа бүсгүй юм.

    Энэ хүрээнд, орон сууц, хаус, хүлэмж, оффисын барилгуудад “BIPV” технологи нэвтрүүлснээр ногоон барилгын баталгаажуулалтын шинэ тогтолцоог бий болгож байгаа. Мөн олон улсын жишигт нийцсэн, эрчим хүчний хэмнэлттэй барилгын төсөл хэрэгжүүлэх ажлуудыг гүйцэтгэж байна. Энэ үйл ажиллагаа нь зөвхөн эрчим хүчний хэмнэлт төдийгүй, үл хөдлөх хөрөнгийн үнэ цэнийг нэмэгдүүлж, ирээдүйн зах зээлийн шинэ жишгийг тодорхойлох зорилготой юм.