Монгол Улсын санаачилгаар 2022 онд АНУ-ын Нью-Йорк хотноо болсон НҮБ-ын Ерөнхий Ассамблейн 76 дугаар чуулганаар 2026 оныг “Бэлчээр ба нүүдлийн мал аж ахуй эрхлэгчдийн олон улсын жил” болгон тогтоол баталсан билээ. Удирдах хорооны даргаар Монгол Улс ажиллаж байгаа. “Бэлчээр ба нүүдлийн мал аж ахуй эрхлэгчдийн олон улсын жил”-ийн Удирдах хорооны 7 дугаар хурал 2026 оны найм дугаар сарын 10-ны өдөр болж, Монгол Улсаас НҮБ-ын Хүнс, хөдөө аж ахуйн байгууллагын дэргэд суугаа Элчин сайд, Байнгын төлөөлөгч Д.Булган даргалав.

    Хуралд тус хороонд ажиллахаар томилогдсон Уругвай, Кени, Испани, Ирланд, Өмнөд Африк, Канад, Австрали, Шинэ Зеланд зэрэг НҮБ-ын ХХААБ-ын гишүүн орнууд, Дэлхийн цаа буга маллагчдын холбоо, Цөлжилттэй тэмцэх тухай Нэгдсэн Үндэстний Байгууллагын Конвенц, “ЮНЕСКО” зэрэг олон улсын байгууллага, НҮБ-ын ХХААБ-ын Нарийн бичгийн дарга нарын холбогдох газрын удирдлагууд 30 гаруй төлөөлөл биечлэн болон цахимаар оролцов.

    Олон улсын жилийн хүрээнд зохион байгуулсан, цаашид хэрэгжүүлэхээр төлөвлөсөн арга хэмжээ, санхүүжилт, сурталчилгааны чиглэлээр гүйцэтгэсэн ажлуудыг танилцуулж, санал дүгнэлт хэлэлцэв. Монголын талаас наймдугаар сарын 10–15-ны өдрүүдэд манай улсад зохион байгуулж буй “Дэлхийн малчдын чуулган”-ын талаар танилцуулж, мэдээлэл хийв.