Тулгар төрийн 2235, Их Монгол улс байгуулагдсаны 820, Үндэсний эрх чөлөө тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан боловсрол, сэтгүүл зүй, биеийн тамир спорт, хууль сахиулах байгууллага, хөдөө аж ахуй, боловсрол, нийгмийн хамгаалал, зам тээврийн салбарт олон жил үр бүтээлтэй ажилласан Чикаго орчмын монгол иргэдийг Монгол Улсын төр, засгийн болон салбарын одон медаль, цолоор шагнасныг Консул Т.Батцэцэг гардууллаа.

    Төрийн дээд шагнал “Алтан гадас” одонгоор АНУ дахь Монголын үндэсний бөхийн холбооны дэд тэргүүн Аръяабазарын Амарбаяр, Монголын Үндэсний телевизийн сэтгүүлч, редактор Дашбалжирийн Адилзаяа, АНУ-ын Нью Йоркийн Их сургуулийн доктурант, дэд профессор, Чикаго хотод суугаа Консулын газрын ажилтан Дашдоржийн Түмэндэлгэр, Монгол Улсын шигшээ багийн тамирчин, жүдо бөхийн ОУХМ, зэвсэгт хүчний “Алдар” спорт хорооны тамирчин Сэлэнгийн Энхзаяа нар хүртэв

     Харин  “Хөдөлмөрийн хүндэт” медалиар “Quintus Contracting" компаний захирал Навааны Болор, “Цэргийн хүндэт”медалиар ЦЕГ-ын эргүүл хамгаалалтын 0801-р хорооны шуурхай ажил мэргэжлийн тасгийн бүлгийн дарга Даваацэрэнгийн Баасанбат,  “Хөдөө аж ахуйн тэргүүний ажилтан” цол, тэмдгээр Ura’s food компаний захирал Лувсандагвын Уранболд, “Соёлын тэргүүний ажилтан” цол, тэмдгээр Үндэсний дуу бүжгийн эрдмийн чуулгын гоцлол хөгжимчин Цэрэндашийн Энхцэцэг, Уран бүтээлч, дуучин, соёлын өвийг түгээн дэлгэрүүлэгч Наранзулын Гантулга нар шагнууллаа.

    “Болорвсролын тэргүүний ажилтан” цол, тэмдгээр Нийслэлийн Баянгол дүүргийн 76-р цэцэрлэгийн багш Болдбаатарын Туул, “Нийгмийн хамгааллын салбарын тэргүүний ажилтан” цол тэмдгээр хүчирхийллийн эсрэг "Канвин" нийгэмлэгийн менежер Жуурайгийн Баянжаргал, Антиох Монгол сургуулийн багш Маамын Шинэбилэг, “Онц тээвэрчин” хүндэт тэмдгээр “АНУ” компаний жолооч Эрдэнийн Батбаяр нар шагнагдав.