Энэ зуны цаг агаарын төлөв байдлыг УЦУСҮХ-ийн инженер Э.Энхсүлдээс тодрууллаа.

          Тэрбээр “Зургадугаар сарын 20-30-нд нийт нутгаар олон жилийн дунджаас ахиу хур тунадас орох төлөвтэй байна. Тодруулбал энэ сарын 22-нд төвийн болон зүүн аймгийн бүс нутгаар, 23-наас өмнөд бүс буюу Өмнөговь, Дорноговь, Дорнод, Сүхбаатар аймгаар хур тунадас ахиу орно. Долоо, наймдугаар сард температурын хувьд өмнөх жилүүдтэй адил байна. Харин хур тунадасны хувьд төвийн болон зүүн бүсийн аймгаар олон жилийн дунджаас хур тунадас ихтэй байх ч баруун бүсийн аймгаар бага байна. Өөрөөр хэлбэл, баруун бүсийн аймгаар энэ зун гантай байна гэсэн үг. Агаарын температураас хамааран нийт нутгаар гэнэтийн аадар бороо орж, үүний улмаас гол усны түвшин нэмэгдэж, үер болох эрсдэлтэй байгааг анхааруулж сэрэмжлүүлье” гэлээ.

Б.Мөнхдэлгэр