Азийн аварга шалгаруулах тэмцээн өнөөдөр эхэлнэ. Тэмцээн 10 өдрийн турш явагдах бөгөөд  27 орны 240 гаруй шилдэг шатарчид классик цагийн хяналттай стандарт төрлөөр оюун ухаанаа сорин өрсөлдөж, аваргуудаа тодруулна.

Энэ удаагийн тэмцээнээс FIDE World Cup буюу “Дэлхийн цом”-д өрсөлдөх эрх олгоно. Мөн энэ удаагийн тэмцээний шагналын сан 100 мянган ам.долларт хүрчээ. Монгол Улсад хүрэлцэн ирсэн шатарчдын дунд 34 их мастер, 12 эмэгтэй их мастер, 51 олон улсын мастер, 20 эмэгтэй Олон улсын мастер багтаж байна.