Монголын үндэсний музейд “Хутагт, Латтимор хоёр, тив дамнасан өв” Олон улсын эрдэм шинжилгээний хурал болох гэж байна. Тус симпозиум 2026 оны тавдугаар сарын 12-13-ны өдрүүдэх болох юм. Симпозиумд Монгол, АНУ, Их Британи, Япон зэрэг улсын нэр хүндтэй эрдэмтэн судлаачид оролцож, Дилав хутагт Жамсранжав болон Оуэн Латтимор нарын нөхөрлөл, амьдрал үйл хэрэг, өвийн талаар илтгэл хэлэлцүүлнэ.

     Монгол Улсаас Онц бөгөөд Бүрэн Эрхт Элчин сайд Равдангийн Болд , академич Цэдэндамбын Батбаяр – Латтимор судлалын нийгэмлэг, Төрийн соёрхолт түүхч  Оохнойн Батсайхан нар оролцох юм.

     Харин АНУ-аас Пенсильванийн их сургуулийн Кристофер Этвүүд, АНУ-ын Конгрессийн номын сангаас Мягмарын Саруул-Эрдэнэ,  Харвардын их сургуулиас Дашдоржийн Дотно, Оуэн Латтиморын ач охин Анн Латтимор Прайс нар ирнэ. Мөн Их Британи эрдэмтэн Кембрижийн их сургуулийн Каролайн Хамфри, бие даасан судлаач Сью Бёрн, Япон Улсын Обирин их сургуулийн эрдэмтэн Тоба Байгаль  нар хүрэлцэн ирж илтгэл тавих гэж байна.