Боловсрол соёл шинжлэх ухааны яамнаас 21 их, дээд сургуулийн үйл ажиллагааг цуцалж байгаа билээ. Тэгвэл дараах сургуулиудын үйл ажиллагааг зогсоож, нэгтгэсэн тухай сайд Л.Энх-Амгалан мэдээллээ.

Тухайлбал, “Түшээ”, “Газарчин”, “Маргад” дээд сургуулийн үйл ажиллагааг зогсоож, тусгай зөвшөөрлийг цуцлах шийдвэр гаргажээ.

Тэгвэл бид “Түшээ” дээд сургуулийн захиралтай холбогдож, энэ талаар тодрууллаа. Тэрбээр “Түшээ” дээд сургууль нь өнгөрсөн жил “Идэр” их сургуультай нэгдсэн. Сургуультай нэгдсэн учраас биднийг татан булгаж, үйл ажиллагааг нь зогсоосон юм байхгүй. Яамныхан буруу ойлголт өгч, төөрөгдүүлж байна. Манайх элсэгчдээ бүртгэж, үйл ажиллагаагаа хэвийн явуулж байгаа. Манай сургуулийг хаах шийдвэр гарах ёсгүй. Салбар яамнаас өнгөрсөн жил хоёр сургуулийн үйл ажиллагааг нэтгэсэн хэрнэ одоо манай сургуулийг хааж байгаа мэтээр ярьж байна” гэв.