Эрүүл мэндийн яамнаас коронавирусийн нөхцөл байдлын талаар ээлжит мэдээллээ хүргэж байна. Эрүүл мэндийн яамны хэвлэлийн ажилтан Б.Ууганбаяр “ Сүүлийн 24 цагийн хугацаанд 8016 хүнээс коронавирусийн шинжилгээ авахад 634 хүнээс халдвар илэрлээ. Ингэснээр  нийт халдвар авсан иргэдийн  тоо 53734 болж байна. Мөн өчигдөр 608 хүн эдгэрч, нийт эдгэрсэн хүний тоо 47356 болж байна. Түүнчлэн коронавирусийн улмаас хоёр хүн нас барж, нийт нас баралтын тоо 255 болсон” гэлээ.