Коронавирусийн эсрэг дархлаажуулалтын цаг үеийн нөхцөл байдлын талаар ЭМЯ-ны хэвлэл мэдээллийн зөвлөх Б.Ууганбаяраас тодруулахад “ Иргэд дархлаажуулалтын хоёр дахь тунгаа хийлгэж эхэлсэн. Зааврын дагуу дархлаажуулалт хийлгэснээс 14-21 хоногийн дараа бүрэн дархлаа тогтоно. Иймд иргэд дархлаажуулалтад хамрагдаад 14-21 хоноогүй бол халдвар авах эрсдэлтэй. Үүнээс үүдэн хөдөө орон нутаг руу зорчих иргэд дархлаажуулалтын хоёр дахь тунгаа хийлгэсэн хэдий ч 14 хоноогүй бол ПСР шинжилгээний хариу заавал шаардана.

Дархлаажуулалтын хоёр дахь тунг хийлгэсэн эрүүл мэндийн ажилчид 14-21 хоногийн дараа эсрэг биет үүссэн тохиолдолд 14 хоног тусгаарлагдах шаардлагагүй, өглөө ажилдаа ирээд, орой гэртээ харих боломжтой.

Хятадын Синофарм үйлдвэрийн Vercocell вакцины хоёр дахь тунг маргаашаас хийж эхэлнэ. Ингэхдээ хоёр дахь тунгаа хийлгэх хугацаа нь хэтэрсэн иргэдээс эхэлж зохион байгуулалттай хийнэ" гэлээ.