Дархан-Уул аймгийг зорьж буй иргэд тус аймгийн шалган нэвтрүүлэх пост дээр коронавирусийн түргэвчилсэн оношлуураар төлбөртэй шинжилгээ өгсний үндсэн дээр нэвтрэх юм байна.

Энэ сарын 12 буюу өчигдрийн байдлаар тус аймагт коронавирусий таван тохиолдол батлагдаж, нийт 202 хүн халдвар авсан нь бүртгэгдсэн байна. Тодруулбал,

- Хонгор сумын нэг иргэн,

- Өмнөговь аймгаас ирсэн хоёр иргэн,

- гэрийн тусгаарлалтад байсан нэг иргэн,

- Улаанбаатар хотоос ирсэн хүнс тээврийн нэг жолоочоос коронавирус илэрчээ.

Түүнчлэн Дархан сумын хоёр баг буюу Ширээ нурууны 14 иргэнээс коронавирус илэрч, тэдгээрийн ойрын хавьтал 30 орчим иргэнийг илрүүлжээ. Үүнтэй холбогдуулан Ширээ нуруунд 72 цагийн хугацаанд зорчих хөдөлгөөнийг бүрэн хязгаарлаж, иргэдээс шинжилгээ авч эхэлсэн байна.

Иймд халдварын нөхцөл байдалтай холбогдуулан тус аймаг руу нэвтрэх иргэдэ төлбөртэй шинжилгээ өгөх аж.