• Өнөөдөр 2022-01-22

Д.Нямхүү: Үүрэг даалгавар биелүүлж чадахгүй бол АЖЛАА ӨГӨӨРЭЙ гэсэн

2020-12-25,   530

ХӨСҮТ-ийн Ерөнхий захиралд асан Д.Нямхүү ЭМ-ийн сайд Т.Мөнхсайханы ХӨСҮТ-өөс өвчтөн нүүлгэн шилжүүлэх чиглэлийг эсэргүүцсэнээр тэдний дунд маргаан үүссэн. Уг маргааны талаар ХӨСҮТ-ийн дарга Д.Нямхүү ярилцлага өгсөн юм.

Тэрбээр “Уг нь бол урьд нь зохион байгуулалт маш өндөр байсан. Маш нарийн зохион байгуулалт, хоорондоо ажиллах дүрэм, уялдаа холбоо нягт зохион байгуулагдсан байсан.  Цэргийн маягаар л гэсэн үг. Яг тэр зохион байгуулалт Д.Сарангэрэл сайдын үед мөрдөгдөж, дунд нь доголдох, ажил үүргээ үл ойлголцох зүйл гараагүй. Одоо бол зохион байгуулалтын хувьд үнэндээ доголдож байна. Дүрэм, ном гэдэгт дэс дараа, эрэмбэ гэдэг зүйл бий. Доголдол үүсч, доод албан тушаалтнаасаа эхлээд өөр мэдээлэл өгөөд явчихаар зохион байгуулалтын эрэмбэ алдагдана. Энэ бол энгийн жишээ.

Хэрэв мэргэжлийн чиг үүргээсээ урваад аялдан дагалдаад, тэр даалгаврыг биелүүлэх юм бол манай хамт олон, энэ олон жилийн мэргэжлийн байр суурь, үнэ цэн алга болно. Би өөрийгөө заавал ярихдаа биш, ХӨСҮТ-ийн хувь заяа байхгүй юү

Хамгийн гол нь халдвартай иргэдийг Цэргийн төв эмнэлэг зэрэг бусад эмнэлгээс нүүлгээд ариутгаж, засварлана гэж байгаа юм. Сүрьеэгийн өвчтнүүдийг хүртэл нүүлгэнэ гэж байгаа. Энэ дээр би сайдаас эсрэг байр суурьтай байгаа. Учир нь, халдварт өвчнийг тухайн газарт нь хөдөлгөлгүй, цомхотгон дарах ёстой. Хөдөлгөөн хийх тусам халдвар дамжина. Яагаад гадуур хөдөлгөөн хориод байгаа юм. Бид халдвартай иргэдийг тарааж, ийш тийш нь нүүлгэн шилжүүлж болохгүй гэдэг дээр маргасан. Коронавирусийн халдвартай иргэдээс гадна сүрьеэтэй иргэдийг нүүлгээд, эмнэлгээ тэр чигээр нь засна гэж ярьсан нь Эрүүл мэндийн сайд Т.Мөнхсайхан бид хоёрын зөрчилдөх шалтгаан болсон. Өгсөн даалгаврыг нь би биелүүлээгүй учраас намайг шүүмжилж, “Үүрэг даалгавар биелүүлж чадахгүй бол ажлаа өгөөрэй” гэсэн. Бидэнд ажлын албан тушаалаас гадна үндсэн мэргэжил гэж юм бий. Хэрэв мэргэжлийн чиг үүргээсээ урваад аялдан дагалдаад, тэр даалгаврыг биелүүлэх юм бол манай хамт олон, энэ олон жилийн мэргэжлийн байр суурь, үнэ цэн алга болно. Би өөрийгөө заавал ярихдаа биш, ХӨСҮТ-ийн хувь заяа байхгүй юү” гэлээ. 


Д.Нямхүү: Үүрэг даалгавар биелүүлж чадахгүй бол АЖЛАА ӨГӨӨРЭЙ гэсэн
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188