Цэрдийн галавын эхэн үеийн далайн ихтиозаврыг 1960-аад оны үед Колумбийн төв хэсэгт хийсэн палеонтологийн малтлагын үеэр олсон. Тэгвэл 130 сая жилийн өмнө үед хамаарах уг далайн хэвлээр явагчийн бусад ихтиозавраасаа илүү том, хутга шиг шүдтэй, өөр төрөл болохыг шинэ судалгаагаар нээн илрүүлжээ.

          Ихтиозавруудын онцлог нь урт шүд, хоншоортоо байна. Ихтиозавр  хутга шиг том шүдээ бусад далайн хэвлээр явагч руу дайрах, өөрийгөө хамгаалах гол зэвсэг болгон ашиглаж байв. Хутга шиг шүдээрээ онцлог ихтиозаврын талаар Канадын Монреал дахь МакГилл их сургуулийн Редпат музейн палеонтологич Ханс Ларссон “Бусад ихтиозаврууд далайн жижиг хэвлэгчээр явагчаар хооллодог байх үедээ түүнтэйгээ ижил жижиг хэмжээтэй шүдтэй байсан бол, ан, олз нь томрох тусам шүд дагаж томорч, хоорондын зайг өөрчилсөн” гэж мэдэгджээ.

-ИХТИОЗАВРЫН ГЭР БҮЛ-

          Ихтиозавр нь 250 сая жилийн өмнө Триасын үед хуурай газрын хэвлээр явагч аймаг далайд буцаж ирэхэд анх үүссэн томоохон далайн махчин амьтдын омог юм. Харин ихтиозаврын хамгийн сүүлчийн төрөл нь 90 сая жилийн өмнөх Цэрдийн галавын сүүлчээр устаж үгүй болсон гэдэг. Урт шүд, хоншоор, том нүдтэй тэднийг өөрөөр илд гэж нэрлэх нь ч бий. Ихэнх зүйлийн ихтиозаврын эрүү нь жижиг конус хэлбэртэй байсан бөгөөд энэ нь ч жижиг олзыг барьж авахад тохиромжтой байсан байж болох.

1960-аад онд Колумбиас ихтиозаврын анхны үлдэгдэл олдсон. Олдсон олдворыг хэмжээнээс үзвэл, гавлын ясны олонх хэсэг, нуруу, хавирганы цөөн хэсэг дээр үндэслэн 130 сая жилийн өмнө үед хамаарах уг ихтиозаврыг нас бие гүйцсэн ихтиозавраас хоёр дахин урт насласан байж болзошгүйг судлаачид мэдээлж байлаа.

          Тэгвэл шинэ судалгаанд Канадын Монреал дахь МакГилл их сургуулийн Редпат музейн палеонтологич Ханс Ларссон болон түүний палеонтологийн судалгааны багийнхан Колумбийн Геологико Национал Хосе Ройо и Гомес музейн цуглуулгад хадгалагдаж байгаа ихтиозаврын гавлын ясанд анхаарал хандуулжээ. Мөн судалгааныхаа хүрээнд Колумбийн Пауле-де-Инстигациолэс хотод хадгалагдаж байсан ихтиозаврын нуруу, хавирганы торны хэсгийн ясыг авч үзсэн юм. Ларссон болон түүний багийнхан өнгөрсөн арваннэгдүгээр сарын 22-нд Системийн Палеонтологийн сэтгүүлд уг нийтлэлийг хэвлүүлж, шинэ төрлийн хэвлээр явагчийг нээн илрүүлж, нэрийг нь олонд дэлгэв.