Үзэгч та хэд хоногийн өмнө баригдаж буй барилгын хонгилд ээжийн тухай дууг эвлэгхэн хоолойгоор дуулж суусан хүүгийн бичлэгийг үзсэн биз ээ. Тэр хүүг Булганбямбын Билэгсайхан гэдэг. Тэрбээр 2001 онд төрсөн, одоо 19 настай. Төв аймгийн Алтанбулаг сумын харьяат, долдугаар ангиасаа эхлээд Улаанбаатар хотод аав, ээжийн хамт амьдарч байгаа. Одоо тэрбээр  “Талын морьтон” циркт Х.Анхбаатар багшийн удирдлага дор морин циркийн үзүүлбэр үзүүлдэг нэгэн. Түүний мөрөөдөл дуучин болох хэдий ч сургалтын төлбөргүйгээс болоод сургуульдаа сурч чадахгүй байгаа юм. Харин тэрбээр сургалтын төлбөрөө олохын тулд энэ мэт барилгын ажил хийдэг гэнэ.