“Авто замын боомтоор хууль бусаар бараа нэвтрүүлэхийг завдлаа” гэх дуудлага, мэдээлэл энэ оны есдүгээр сарын 17-ны өдөр цагдаагийн байгууллагад бүртгэгджээ.

   Дуудлага, мэдээллийн дагуу шалгалтын ажиллагаа явуулахад иргэн “Н” нь том оврын тээврийн хэрэгслээр 18 тонн сонгино тээвэрлэн Монгол Улсын хилээр нэвтрэхдээ дэлхийд ховордож, устаж болзошгүй амьтны жагсаалтад бүртгэгдсэн бөхөнгийн эврийг ачаан дундаа нууж, улсын хилээр хууль бусаар нэвтрүүлэхийг завдсан нь тогтоогдсон байна.

   Шалгалтын явцад 19 хайрцагт савласан нийт 3260 ширхэг, 677 кг бөхөнгийн эвэр илэрчээ. Хэргийг Баян-Өлгий аймгийн цагдаагийн газар үргэлжлүүлэн шалгаж байна.