Хотын даргын үүрэг гүйцэтгэгч Б.Мөнхбат мэдээлэл өглөө. Тэрбээр "Ерөнхий сайдын 05 дугаар албан даалгавраар томоохон бүтээн байгуулалт, хөрөнгө оруулалтын ажил зогсонги байдалтай байгаа. Туулын хурдны замтай холбоотой асуудалд шийдэл гаргая гэж тохирсон. Сэлбэ төсөл зогсохгүй, сэлбэ төслийг ямар ч асуудалгүйгээр явуул гэдэг шийдвэр өгсөн. V дугаар цахилгаан станцын ажлыг эрчимжүүлнэ. Бусад томоохон мега төсөлтэй холбоотой асуудал дээр эргээд гарц шийдэл гаргана. Одоо тендер зарласан явж байгаа хэд хэдэн ажил байгаа. Төр, хувийн хэвшлийн түншлэлийн хэд хэдэн төсөл байгаа. Тэдгээрээс үзэж байгаад тавдугаар сарын 31-н буюу ойрын хугацаанд шийдвэрлэх боломжтойг нь Засгийн газарт танилцуулаад, шийдэл олно. Шийдэл олохгүй бол энэ төслийн заримыг нь хойшлуулна" гэв.