Онцгой байдлын байгууллагын 2026 оны сургалт, бэлтгэлийн нэгдсэн төлөвлөгөөний хэрэгжилтийг хангах, гал түймрийн улсын хяналт, шалгалтыг хэрэгжүүлэх, зөрчил шалган шийдвэрлэх ажиллагааг хуульд нийцүүлэн явуулах чиглэлээр алба хаагчдад мэдлэг, мэдээлэл олгох цахим сургалтыг зохион байгуулжээ.

   Сургалтыг Онцгой байдлын ерөнхий газрын Гамшгаас хамгаалах сургалтын газар, Гал түймэртэй тэмцэх газар хамтран энэ сарын 25-нд зохион байгуулсан бөгөөд шинээр батлагдсан хууль, дүрэм, журам, заавар, стандартыг танилцуулах, алба хаагчдын ажлын бүтээмжийг дээшлүүлэх, мэргэжлийн мэдлэг, ур чадварыг бататгах зорилготой аж.

   Тус сургалтад Зүүн, Говь, Хангай, Баруун, Хойд, Төвийн бүсийн орон нутгийн Онцгой байдлын газрын Гал түймрийн улсын хяналтын ахлах байцаагч, байцаагч нар хамрагдсан байна.

   Цахим сургалтаар “Зөрчлийн хэрэг, хялбаршуулсан хэргийн материал, зөрчлийн мэдээллийн нэгдсэн сан”, “Гал түймрийн шалтгаан, нөхцөлийг тогтоох, дээж авах”, “Цахилгаан байгууламжийн дүрэм, стандарт”, “Орон сууц, шатахуун түгээх станцын ажлын зураг төсөлд хяналт хийх, дүгнэлт гаргах, хяналт шалгалтыг зохион байгуулах, зөрчил, дутагдлыг арилгуулах чиглэлээр зөвлөмж өгөх” зэрэг сэдвээр мэдээлэл өгч, алба хаагчдын мэдлэг, туршлагыг бататгажээ.