Монгол Улсын Ерөнхий сайдын 10 дугаар албан даалгавар, Шадар сайдын III албан даалгаврын хэрэгжилт, мөн 2026-2027 оны өвөлжилтийн бэлтгэл, бэлэн байдлыг хангах ажлын хүрээнд Монгол Улсын Шадар сайд Н.Номтойбаяр Баян-Өлгий аймагт ажиллалаа.

   Энэ үеэр аймгийн зүгээс малын гоц халдварт шүлхий өвчин (SAT-1 хэвшил)-тэй тэмцэх, хариу арга хэмжээг хэрэгжүүлэх хүрээнд үүсээд буй 778,083,120 төгрөгийн өр төлбөрийг шийдвэрлэх шаардлагатай байгааг танилцууллаа. Мөн иргэдийн 2027 оны хаврын улирлын хүнсний хэрэгцээг хангах зорилгоор мах бэлтгэх аж ахуйн нэгжүүдийг хөнгөлөлттэй зээлд хамруулах, авто замын засвар, арчлалтын “Жол” ХХК-ийн өвлийн арчлалтын ажлын хүрээнд үүссэн өр төлбөрийг шийдвэрлүүлэх саналыг холбогдох байгууллагуудад тавьсан байна.

   Баян-Өлгий аймгийн хэмжээнд 2026-2027 оны өвөлжилтийн бэлтгэл ажил одоогоор 63.7 хувийн гүйцэтгэлтэй үргэлжилж байна.