Цөлжилттэй тэмцэх тухай НҮБ-ын конвенцын Талуудын 17 дугаар бага хурал зохион байгуулагдах барилга, байгууламжийн аюулгүй байдлыг хангах, хяналт шалгалтыг хэрэгжүүлж буй алба хаагчдад Нийслэлийн Онцгой байдлын газрын дарга, хурандаа Г.Галбадрах үүрэг, чиглэл өглөө.

Тэрбээр хяналт шалгалтын чанар, үр нөлөөг нэмэгдүүлэх хүрээнд дараах асуудлуудад онцгойлон анхаарч ажиллахыг үүрэг болгосон юм. Үүнд:

• Галын аюулгүй байдал, техникийн бэлтгэл: Галын аюулгүй байдлын стандарт, шаардлагыг бүрэн хангуулж, гал унтраах автомашин байрлах талбай, нөхцөл боломж стандартын шаардлагад нийцэж байгаа эсэхэд нарийвчилсан хяналт тавих;

• Цахилгаан болон хийн аюулгүй байдал: Цахилгааны угсралт, ашиглалт, шингэрүүлсэн шатдаг хийн хэрэглээний аюулгүй ажиллагааг бүрэн хангаж ажиллах;

• Эрсдэлийн урьдчилан сэргийлэлт: Борооны улирал үргэлжилж буйтай холбоотойгоор үер, усны аюул, гал түймэр зэрэг болзошгүй эрсдэлээс урьдчилан сэргийлэх арга хэмжээг эрчимжүүлэн хэрэгжүүлэхийг чиглэл болголоо.

​