2026 оны наймдугаар сарын 5-ны өдрийн байдлаар Хөвсгөлийн уулсаас эхтэй Үүр, Хэнтийн нурууны баруун хажуугаас усжих Туул (Лүн), зүүн хажуугийн Хэрлэн (Өндөрхаан сум), Хангайн нурууны ар хажуугаас усжих Орхон (Бат-Өлзий, Орхонтуул сум), өврийн Түй зэрэг голуудын усны түвшин өмнөх өдрөөс 10-65 см-ээр нэмэгдсэн байна.

   Мөн Туул (Алтанбулаг, Лүн сум), Хараа (Дархан), Байдраг (Бууцагаан сумын Баянбүрд баг), Хөгшин Орхон, Хархираа (Тариалан сум) зэрэг голууд үерийн түвшнээс 5-20 см, Балж, Онон голууд үерийн аюултай түвшнээс 5-15 см даван үерлэсэн хэвээр байгааг холбогдох байгууллагаас мэдээллээ.

Иймд иргэд, аялагчдыг үер, усны аюулаас урьдчилан сэргийлж дараах зөвлөмжийг мөрдөхийг зөвлөж байна. Үүнд:

• Мэргэжлийн байгууллагаас өгч буй сэрэмжлүүлэг, заавар, зөвлөмжийг чанд мөрдөх;

• Үерийн эрсдэлтэй бүс, голын эрэг, хуурай сайр, жалгаар зорчихгүй байх;

• Тээврийн хэрэгслээр зорчихдоо зөвхөн баталгаат гүүр, гармаар нэвтрэх;

• Хүүхдийг гол, нуур болон үерийн усны ойролцоо хараа хяналтгүй орхихгүй байх;

• Үерийн эрсдэлтэй бүсэд буудаллах, майхан барихаас татгалзах;

• Цаг агаарын мэдээ, сэрэмжлүүлгийг тогтмол авч, өөрийн болон гэр бүлийнхээ аюулгүй байдлыг хангах.