Өвөр Монголын Шилийн гол аймаг цөлжилттэй тэмцэх хүчин чармайлтын хүрээнд Хулан шарга даагын элсэн цөлийг ногооруулах 2026 оны хаврын улирлын  ээлжит ажлаа эхлүүллээ.

    Шилийн гол аймгийн нийт элсэрхэг газрын хэмжээ нь 5.76 сая га бол Хулан шарга даагын элсэн цөл нь 3.2 сая га юм. Хулан шарга дааагын элсэн цөлийн нийт талбайн 83 хувь нь Шилийн гол аймгийн нутаг дэвсгэрт хамаардаг билээ.

   Тус аймаг нь цөлжилтөд харилцан адилгүй өртсөн газрууд тус бүрд тохирсон арга хэмжээнүүдийг авч хэрэгжүүлж байна. Тухайлбал, гар аргаар мод тарих, элсний хаалт барих, техник технологийн дэвшил ашиглах зэрэг янз бүрийн аргыг ашиглаж байна.

    Ингэснээр тариаланчид болон малчид байгаль экологийг хамгаалахад хувь нэмрээ оруулахын зэрэгцээ орлогоо нэмэгдүүлэх боломж бүрдэж байна. Энэ онд Шилийн гол аймаг нь 566 мянган га газрыг нөхөн сэргээж, ойжуулах, 227 мянган га газрыг элсжилтээс урьдчилан сэргийлэх экологийн бүтээн байгуулалт өрнүүлэх юм.