Өнөөдөр нийслэл Улаанбаатар хотод үүлэрхэг, хүйтэн байна. Өдөртөө -14C хэмтэй, шөнөдөө -28C градус орчим хүрэх төлөвтэй байна.

Ойрын гурав хоногийн төлөвийг танилцуулья.

   Ойрын гурав хоногт хүйтний эрч бага зэрэг сулрах боловч сэрүүн цаг агаар үргэлжлэх төлөвтэй байна. Цаг уурын байгууллагын мэдээлснээр багавтар үүлтэй, хур тунадас орохгүй байх хандлагатай байна.

2026 оны хоёрдугаар сарын 28-ны өдөр Улаанбаатар хотод багавтар үүлтэй, тогтуун цаг агаар үргэлжлэнэ. Өдөртөө агаарын температур -9 градус орчим байх бөгөөд хур тунадас орохгүй, салхи баруун өмнөөс секундэд 3-6 метрийн хурдтай салхилна. Харин шөнөдөө үүл багасч, температур эрс буурч -20 градус хүрч хүйтрэх төлөвтэй байна.

2026 оны гуравдугаар сарын 1-ны өдөр Улаанбаатар хотод багавтар үүлтэй, хур тунадас орохгүй. Салхи баруун өмнөөс секундэд 4–7 метрийн хурдтай салхилна. Өдөртөө агаарын температур -8 градус орчим байх бөгөөд нар ил гарч, харьцангуй тогтуун байна. Харин шөнөдөө үүл багасч, температур -19°C хүрч хүйтрэх төлөвтэй байгаа юм.

2026 оны гуравдугаар сарын 2-ны өдөр нийслэл Улаанбаатар хотод цэлмэг, тогтуун цаг агаар үргэлжилнэ. Салхи баруун өмнөөс секундэд 3–6 метрийн хурдтай салхилна. Өдөртөө агаарын температур -7°C орчим байх бөгөөд нар ил гарч, үзэгдэх орчин сайн байна. Шөнөдөө температур -18°C хүрч хүйтэн хэвээр байна. Иргэд, жолооч нарыг оройн болон шөнийн цагт дулаан хувцаслах, замын нөхцөл байдлыг харгалзан аюулгүй зорчихыг анхааруулж байна.

Хоёрдугаар сарын 28-нд нутгийн зарим газраар, гуравдугаар сарын 1-нд баруун болон төвийн аймгуудын нутгийн зарим газар, зүүн аймгийн нутгийн хойд хэсгээр, 2-нд нутгийн хойд хэсгээр цас орж, зөөлөн цасан шуурга шуурна. Салхи ихэнх хугацаанд секундэд 6-11 метр, Алтайн уулархаг нутаг, Арц Богдын өвөр хоолой, говь, тал, хээрийн нутгаар секундэд 15-17 метр хүрч ширүүсэж, шороон шуурга шуурна.