МУБИС-ийн Биеийн тамирын сургуулийн “Судлаач оюутан–2026” хөтөлбөрт нийт 26 оюутан өөрийн хүсэл сонирхлоор оролцож, хоёр сарын хугацаанд судалгааны ажлаа тууштай хийж, өнөөдөр үр дүнгээ амжилттай танилцууллаа.

   Энэ хугацаанд оролцогчид судалгааны сэдэв тодорхойлох, мэдээлэл цуглуулах, өгөгдөлд дүн шинжилгээ хийх, эрдэм шинжилгээний илтгэл бэлтгэх зэрэг бодит судалгааны ур чадваруудыг эзэмшиж, өөрсдийгөө сорьж, нэг шат ахисан нь хөтөлбөрийн хамгийн том үр дүн байлаа.

Шалгарсан оролцогчид:

Тэргүүн байр: Спорт аялал жуулчлалын III курсын оюутан Б.Энхсүрэн

Дэд байр: Багш, арга зүйн ангийн II курсын оюутан Б.Пүрэвдорж

Гуравдугаар байр: Ц.Одончимэг.

“Шилдэг удирдагч багш”-аар  СМОАЗТ-ийн багш С.Мөнхнасан шалгарлаа.

   Эдгээр шилдгүүд 2026 оны зургадугаар сарын 4–5-ны өдрүүдэд Өмнөд Солонгосын Пусан хотноо зохион байгуулагдах Олон улсын эрдэм шинжилгээний хуралд оролцох эрхийн бичиг гардан авлаа.