“Петро-Чайна Дачин Тамсаг” компанийн 19 дүгээр талбайгаас Сүхбаатар аймгийн Эрдэнэцагаан сумын чиглэлд “Бичигт” боомт руу нефт ачиж явсан Ханавон загварын ачааны автомашин шатжээ.  

Тодруулбал, Дорнодо аймгийн Матад сумын төвөөс баруун урд зүгт 210 км зайд байх Эрдэнэбадрах багийн Тосон уул гэдэг газарт өчигдөр буюу тавдугаар сарын 13-нд 60 тонн нефт ачиж явсан ачааны автомашин шатсан байна. Энэ тухай дуудлага мэдээлэл өчигдөр Онцгой байдлын газарт 10:32 цагт бүртгэгджээ. Дуудлагын дагуу Халх гол сум дахь Гал түймэр унтраах, аврах 62 дугаар ангийн алба хаагчид болон “Петро-Чайна Дачин Тамсаг” компанийн ажилтнууд очин галыг есөн цаг ажиллаж, унтраасан байна.