• Өнөөдөр 2021-05-15

П.БАЯНТҮМЭН: Төрийн өмчийн нийт газрыг тоолж, баталгаажуулна

2021-05-04,   388

Монгол Улсын хэмжээнд 2020 оноос эхлэн төрийн өмчийн газрыг зурагжуулж бүртгэн, газрын кадастрын нэгдсэн санд баталгаажуулж эхэлсэн. Тус ажлын хэрэгжилт, явцын талаар ГЗБГЗЗГ-ын кадастрын хэлтсийн дарга П.Баянтүмэнгээс тодруулахад “Монгол Улсын хэмжээнд төрийн өмчийн газрыг зурагжуулж бүртгэн, газрын кадастрын нэгдсэн санд баталгаажуулах ажил 2021 оны долдугаар сард дуусахаар ажлын явц 90 хувьтай явж байна. Энэ ажлын хүрээнд Монгол Улсын хэмжээнд байгаа нийт газар нутгийг тоолж, бүртгэх, баталгаажуулах ажлыг хийнэ. Монгол Улсын хэмжээнд байгаа газрыг үндсэн зургаан ангилалд хуваана. Хөдөө аж ахуй, ой сав гэх жишээний. Энэ ангилал тус бүрээр нь тооллого хийж, хил, заагийг тогтооно. Түүнчлэн улсын хэмжээнд 114 сая га бэлчээрийн газартай гэдэг. Тэр бэлчээрийн хил, зааг хэсгийг нарийвчлан тогтоож, зурагжуулах, үүнийгээ бүртгэж, баталгаажуулна.

Мөн иргэд, ААН-үүдэд олгосон газар олголтыг зориулалтын дагуу шалгаж, тоолох энэ ажлуудыг хийх юм. Түүнчлэн газрын нэгдсэн сангийн цогц систем байгуулж, төрийн байгууллагуудтай "Дундын мэдээллийн сан" байгуулж холбох юм. Мөн газар олголтыг дэлгэрэнгүй ангиллаар тоолно. Жишээ нь боловсролын байгууллага гээд л олгочихсон. Тэр дотроо сургууль, цэцэрлэг гээд нарийн тоолж гарган, тухайн байгууллага зөвшөөрөлтэй газар байна уу үгүй юу гэдгийг тогтоож, зөвшөөрөлгүй газар үйл ажиллагаа явуулж буй байгууллагуудыг цэгцэлнэ" гэлээ.


П.БАЯНТҮМЭН: Төрийн өмчийн нийт газрыг тоолж, баталгаажуулна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414