• Өнөөдөр 2021-05-15

Энхийг сахиулагчдын сарын ТЭРГҮҮНҮҮД тодорлоо

Бүгд Найрамдах Өмнөд Судан Улсад явагдаж буй НҮБ-ын UNMISS энхийг дэмжих ажиллагаанд үүрэг гүйцэтгэж буй хурандаа Д.Энхбаатар захирагчтай Монгол Улсын Зэвсэгт хүчний X ээлжийн цэргийн багийн бие бүрэлдэхүүн өнгөрсөн дөрөвдүгээр сарын 30-нд тус сард гүйцэтгэсэн ажлаа дүгнэлээ. Цэргийн багаас тухайн сард бүтээлч хандлагаараа хамт олноо манлайлж, цэргийн алба, үүрэг гүйцэтгэлт, сахилга, зохион байгуулалтаараа шалгарсан бүрэлдэхүүнээ “Тэргүүний салаа”, “Тэргүүний тасаг”, “Тэргүүний офицер”, “Тэргүүний ахлагч”, “Тэргүүний шинийг санаачлагч, бүтээлч алба хаагч” хэмээн өргөмжилж, шагнаж урамшуулдаг уламжлалтай. Дөрөвдүгээр сарын “Тэргүүний салаа”-гаар дэслэгч З.Багахүү захирагчтай гуравдугаар мотобуудлагын салаа, “Тэргүүний тасаг”-аар ахлах ахлагч Э.Эрдэнэбаатар захирагчтай гуравдугаар мотобуудлагын тасаг, “Тэргүүний офицер”-оор дотрын их эмч, ахлах дэслэгч Б.Баярбат, “Тэргүүний ахлагч”-аар чирэгчийн жолооч, дэд ахлагч Ц.Цэрэнтогтох, “Тэргүүний шинийг санаачлагч, бүтээлч алба хаагч”-аар буудагч, дэд ахлагч Г.Бат-Эрдэнэ нар шалгарлаа.

 

 


Энхийг сахиулагчдын сарын ТЭРГҮҮНҮҮД тодорлоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414