Дэлхийн шилдгүүдээр хүч зузаатгасан, чансаа өндөртэй Казахстаны шигшээ багтай хийсэн манай бүсгүйчүүдийн тоглолт маш өрнүүн бөгөөд ширүүн өрсөлдөөний дунд өндөрлөв. Ширээ тус бүр дээр манай тамирчид эцсийн мөчийг хүртэл маш дайчин, ухаалаг тоглолт үзүүлж, 2:2-ын харьцаатай амжилттай тоглож тэнцээгээр дууслаа.

ТОГЛОЛТЫН ҮД ҮР ДҮН:

“WCM” Х.Баясгалан  Өрсөлдөгчөө хожиж, багтаа үнэтэй чухал ялалт авчирсан.

“IM” Б.Мөнгөнтуул — Туршлагатай маш сайн тоглолт гаргаж өрсөлдөгчөө буулган авч ялалт байгуулав.

“WIM” Б.Мөнгөнзул — Дэлхийн чансааны 5-д эрэмбэлэгдэж байгаа “GM”-тэй тун тэнцүүхэн үзэлцэн хүнд өрөгт харамсалтайгаар хожигдсон.

”WGM” Т.Мөнхзул — Маш хүнд дайчин тоглолт гаргасан ч өрсөлдөгчдөө ялагдсан. Багийн нийт дүн: Монгол 2:2-оор Казахстантай тэнцсэн.